Kya Happy new year, saal mubarak kehna na jaiz aur bidat hai ?
Kya isme gairon se mushabahat nahi ?

AAJ KA JAWAB

Happy new year kehne me nasaara-khiristi-Christian qaum se mushabahat hai lihaza Naa-Jaiz hai.

KITABUL FATAWA 6/125 SE MAKHOOZ

ISLAMI TAREEKH : 23 RABIUL AAKHAR 1440 HIJRI

Mufti Imran Ismail Memon Hanafi Chishti.
Ustaze Darul Uloom Rampura, Surat, Gujarat, India.

What is the ruling regarding wishing Happy New year? Will it be considered imitation on Non Muslims?

Answer

Wishing New Year is imitation of Non Muslims and therefore not permissible.

KITABUL FATAWA 6/125 SE MAKHOOZ

ISLAMI TAREEKH : 23 RABIUL AAKHAR 1440 HIJRI

Mufti Imran Ismail Memon Hanafi Chishti.
Ustaze Darul Uloom Rampura, Surat, Gujarat, India.

Merry Christmas ka ma’ana baaz kehte hai ke “mubarak ho khuda ko beta huva hai” hota hai ke to kya us kehne se kafir ya mushrik ho jayega?

JAWAB

حامدا و مصلیا و مسلما

merry ke ma’ane khushi Christ ke ma’ane maseeh-isaa mast ke ma’ane jamaa hona pura ma’ana huva isaa ki khushi me jama hona ya’ani unki wiladat ki khushi me jama hona.

Aap ne jo bataya wohi us ka lafzi tarjamaa nahi hota lekin aisa kehne me unka yahi aqeedah aur maqsad Chhupa hota hai lihaza lafzi tarjama kufr ka na hone ki wajah se kufr se bachane ki ye taweel mavjood hai isliye is ka kehne wala kafir ya mushrik to na kaha jayega lekin kufr ke ma’ana paida hone ka abdesha-khatra hone ki wajah se aisa kehne se bachna zaruri hai aur mushabahat-copy hone ki wajah se sakht gunehgar hoga.

MAKHOOZ AZ MAALA BUDDA MINHU WA OXFORD DICTIONARY

و الله اعلم بالصواب

Mufti Imran Ismail Memon hanafi chisti.

Ustaad e daarul uloom Rampura surat, Gujarat, India.

Shaheedon ko khiraaje aqeedat oesh karne ke liye candle-mombattiyan jalana kaisa hai?

JAWAB

حامدا و مصلیا مسلما

Candle jalana yahudiyon ki mazhabi ibadat hai, Har saal murdon ko yaad karne aur un ko khiraje aqeedat pesh karne ke liye woh jalate hai.

Aur is ke zariye ibadat karne ka un ki Kitab me hukm hai.

un ki dekha dekhi isaiyon ne bhi shurooa kiya aur fir is rasm ko puri dunya me media ke zariye aam karne ki koshish ki gai,

jis ka asar baaz musalmano par bhi pada, Islami shareeat me gair qaum ki mushabahat se sakhti se roka gaya hai,

lihaza khiraje aqeedat pesh karne ya apna gam batane candal-mombattiyan jalana yahoodiyon ki mushabahat-copy hone ki wajha se jaiz nahi.

TAURAAT BAAB 8:20

Mufti Muhammad tareeq qasmi dewbandi

khadime jamia husainiyah dewband ke fatwe ka khulasa

و الله اعلم بالصواب

ISLAMI TAREEKH:
JUMADUL UKHRA 1440 HIJRI

Mufti Imran Ismail Memon Hanafi Chishti.
Ustaze Darul Uloom Rampura, Surat, Gujarat, India.

Khiraje aqeedat-shradhanjali pesh karne ka kya tareeqa hai 5 minute mon dharankarna- khamosh rehna kaisa hai? aksar gair muslim maqtool-marnewale ko shaheed keh sakte hai?

JAWAB

حامدا و مصلیا مسلما

Hamare non Muslim bhai marnewalon ke fuotu par ful haar chadhakar Khiraje aqeedat-shradhanjali pesh karte hai,

yahoodi, isaai mombatti jalakar aur musalman quraan padhkar sadqa aur nek aamal kar ke us ka sawab marnewale musalman ko bakhash kar khiraje aqeedat pesh kare,

aur har marnewale ke rishtedaron ko tasalli-dilasa aur himmat den aur allah se un ke liye us ka achchha badla milne ki duaa den.

agar zarooratmand ho to un ki madad kare
Dunya aur akhirat ka Shaheed ye khaas istilaah-paribhasa musalmono ke liye khas taur par boli jati hai.

Agar gair muslimon ke yahan har marnewale mazloom ke liye shaheed bolne ka riwaj ho to woh bol Sakte hai.

SHAMI 9/552,1/472 SE MAKHOOZ

MUFTI JUNAID BAMBAVI KE FATWE KA KHULASA
و الله اعلم بالصواب

ISLAMI TAREEKH:
JUMADUL UKHRA 1440 HIJRI

Mufti Imran Ismail Memon Hanafi Chishti.
Ustaze Darul Uloom Rampura, Surat, Gujarat, India.

AAJ KA SAWAL NUMBER 2425

April Fool manana kaisa hai ?

Jawab

April fool me ye 4 cheezen hoti hai.
1. Jhoot,
2. Takleef pohanchana,
3. Mazaaq udana &
4. Be Izzat karna.
5. Gair qaum ki musabahat.

ISLAM KHAIR KHAHI WALA MAZHAB HAI.

Ab in pehli 4 cheezo ke bare me Quran o Hadis se sirf ek ek baat Mai likhunga tafseel nahi.

1. JHOOT:
Quran:
“ALLAH KI LANAT HAI JHOOTO PAR.
(3:61)

Hadis:
Moamin me paidashi taur par Saari Khaslaten hosakti hai Magar KHAYANAT aur JHOOT ki Aadat nahi hosakti
(MUSNAD AHMED)

2. TAKLEEF POHANCHANA:

Quran
“aur wo Log jo Baghair kisi Qasoor ke MOMIN MARDO or MOMIN AURTO ko takleef pohanchate hai, unho ne Yaqeenan BOHTAAN AUR SAREEH GUNAH KA BOJH UTHAYA.”
(33:58)

Hadis:
“MOAMIN WO HAI JISKI ZABAN AUR HATH SE DUSRE MUSALMAN MEHFOOZ RAHEN.”
(BUKHARI)

3. MAZAQ UDANA:

Quran:
“Aye IMAN WALO! Tum me se koi dusre ka Mazaq na udae Mumkin hai jinka Mazaq udaya jaa raha hai wo un se Behtar ho aur na Aurten dusri AURTON ka Mazaq udae MUMKIN hai wo Jinka Mazaq udaa rahi hai unse ACHI hon.”(49:11)

Hadis:
Tum me se koi shaqs Apne BHAI ke Samaan ko(bila ijazat) na Mazaq me le aur Na Haqeeqat me le”
(ABU DAWOOD)

4. BE IZZAT KARNA:

Quran:
“HAR US SHAQS KE LYE KHARABI HAI JO TANA DENE WALA, AIB NIKALNE WALA AUR CHOGHAL KHOR HAI.”(104:1)

Hadis:
“Kabeera Gunahon me se ek BADA GUNAH kisi Musalman ki Izzat par Na Haq Hamla karna hai.”
(ABU DAWOOD)

AB ZARA IN AAYAAT AUR AHADIS KO GHAUR SE PADH KAR SONCHE KE HUM “APRIL FOOL” MANA KAR ALLAH KI LANAT AUR DOZAQ KE AZAAB KE MUSTAHIQ BAN RAHE HAIN.

Maine har baare me 1 AYAT or 1 HADIS likhi hai warna in baato par aur bhi waeeden hai. hum 2 minute ki nafsani khahish ke lye ALLAH AUR USKE RASOOL KI NARAZGI kyun MOL LEN AUR akhirat ki ZINDAGI ko kyun JAHANNAM ka ghar banalen….????

SOCHIYE
KHUD BHI BACHEN AUR DUSRO KO BHI BACHAEN.
ALLAH HUM SAB KI HIFAZAT FARMAE AUR TAMAM BAATIL CHEEZO SE BACHAE.
AMEEN

✏IMRAN ISMAIL MEMON HANFI
GUFIRA LAHOO
MUDARRISE DARUL ULOOM RAMPURA SURAT GUJRAT
INDIA