QADYANI AUR SHAKEELI LOGON KE UN KE NABI KE HAZ.ISA HONE KE DAWE RAD-TOD PART 1.

⭕AAJ KA SAWAL No. 2766⭕

Mirza gulam Ahmad qadyani aur shakeel bin haneef ye do firqe ummat ko gumrah kar ke un ke iman ko barbad kar rahe hai ye dono apne liye isaa aur mahdee hone ka dawa karte hai aur puri dunya me in ke is dawe ko Maan kar hazaron log gumrah ho chuke hai lihaza hame ye bataye ke isaa alayhissalam aur hazrat mahdee radee Allahu anhu ki Quran aur mutabar hadees me kya pehchan hai? taa ke in dono iman ke luteron me ye nishaniyan na paya jane ki wajha se un ka jhuta aur dhokebaz hona har ek ko maloom ho jaye aur gumrah log hidayat par aaye aur baqi log gumrah hone se bache .

🔵JAWAB🔵

حامدا و مصلیا مسلما
Aap ke samne pehle hazrat isa alayhissalam ke bare me maloomat pesh ki jati hai is ko padh kar apna Aqeeda mazboot karna zaroori hai.

HAZRATE ISA(alaihis salam) KA MUKHTASAR TA’RUF-PEHCHAN

NAAM:Aap ka laqab maseeh,aap ka naam ISA, aur maa ka naam MARYAM hai,aap Allah ta a’la ki khas qudrat kalimaye kun se bagair baap ke , sirf maa ke pet se paida huwe.(QURAN)

KHANDA’N: ap ke khandaan ka naam “BANI ISRA’IL” hai, aap ke bha’i ka naam HARUN naanaa ka nam IMRA’N aur naani ka naam HANNA BINTE FAAQOOZA hai.(QURAN WA TAFSEERE QURAN)

PEDAISH: ALLAH ke aakhri nabi hazrat MUHAMMAD (sallallahu alaihi wasallam)ke peda hone se lag bhag 600 saal pehle aap baitul muqaddas ke qareeb BAITUL LAHAM naami jagah par paida huwr, fir yahoodiyo ke zulm se bachaa ne ke liye ALLAH TAA’LA ne Ap ko aasman par zindah utha liya, aap abhi bi aasman par zindah hai,aur qayamat se pehle aasman se utar kar duniya me tashreef laayenge.(QURAN WA TAFSEERE QURAN)

NUZOOL: Hazrat ISA’ alaihissalam dimashq me mashriq ki taraf minaare par kesri rang ki 2 chaadar pahne huwe (jaise ihraam me hoty hai) 2 farishto ke kandho par haath rakh kar fajar ki namaaz ke waqt dobaarah duniya me tashreef layenge.📘(TIRMIZI 3/43)BSBU MAA JAA FEE FITNATIJ DAJJAL

SHAKAL: ap bahot khubsurat honge, darmiyane qad wa hight wale, sufed jis me laal mili ho aise rang wale honge, baal thode ghungaryaale aur kandhe tak lambe honge, safa’i aur chamak ki wajah se baal aise maalum honge ke un me se paani tapak raha ho, haalan ke wo bhige huwe nahi honge.(ABU DAWOOD KITABUL MALAAHIM BUKHARI KITABUL ANBIYA)

KAARNAAME: paida hone ke thode hi waqt ke baad gehwaare me ajeeb baat kahi , jo QURAN me hai (tarjamah) wo (bachcha ) bo laa ke me to ALLAH TAALA ka bandah hu,us(ALLAH) ne mujh ko kitaab di hai, aur mujh ko NABI banaya hai,
📗(SURAH E MARYAM AYAT 30)
dobarah duniya me insaaf kar ne wale haakim ban kar aayenge , lud saher ke darwaje ke paas DAJJAL ko qatl karenge, salib tor denge aur khinzeer ko qatl kar denge,yani badla huwa isaai mazhab khatam ho jayega jizya (tex) lene aur jihad karne ki zarurat nahi rahe gi,logo ke dilo se ek dusre ki bura’i khatm ho jawegi, aur log itne maaldar ho jawenge ke zaka’t lene wala koi nahi rahe ga,(TIRMIZI BABU MAA JAA FEE NUZOOLE ISAA)

WFAAT: Aap is duniya me akar nikah bhi farmaenge, aap ki aulad bhi hogi , lag bhag 40 saal wo zindah reh kar wafat payenge, musalman aap ki namaze janazah padh kar aap ko MADINAH MU NAWWARAH me ROZA E AQDAS ke paas chothi qabar me dafan farmayenge.
📕(MISHKAT BABU NUZOOLE ISA HASHYA E ABU DAWOOD KITABUL MALAAHIM)
و الله اعلم بالصواب

✍🏻 Mufti Imran Ismail Memon Hanafi
🕌 Ustaze Darul Uloom,
Rampur Surat, Gujarat, India

Leave a Reply

Your email address will not be published.