SAWAL

BAAL MUBARAK

BAAL MUBARAK KE DEKHNE (ZIYARAT KARNE )KA KYA HUKM HAI?

Jawab

Hadees shareef se sabit hai ke huzoor salallahu alayhi wasallam ne apne baal mubarak sahaba ​radeeyallahu anhum  ko taqseem farmaye the.
Fatawa ibne taymiyah me hai huzoor salallahu alayhi wasallam ne apne baal mundwakar aadhe sar ke baal abu talha radiyallhu anhu ko diye aur aadhe logon ke darmiyan taqseem farma diye.
Agar kisi ke paas ho to tajjub ki baat nahi.agar us ki saheeh aur qabile aetimad sanad (puri chain ho ke ham tak kis kis ke zariye pahoncha) ho to us ki ta’azeem-ziyarat karna bahot badi khush naseebee hai.
Agar sanad na ho aur banawati hone ka bhi yaqeen na ho to khamoshi ikhtiyar ki jaye na us ki tasdeeq kare-(sachcha samjhe) na takzeeb-(jhutlaye).na ta’azeem kare na tauheen kare.
Baal mubarak aur dusre nabavi tabarrukat khairo barkat ko vajib karnewale hain aur us ki ziyarat se ajro sawab milta hai.
Use dekhne me mardo aur aurato ka melap na ho hazrat aaishah radiyallahu anha apne zamane ki aurto ke mutalliq farmati hai ke rasoolullah sallallahu alyhi wasallam is zamane ki aurto ko dekhte to un ko masjid me jane se manaa farmate.
Lihaza aurto ko jamaa na kiya jaye.
(tabarrukate mubarakah ko hamare gunehgar hath na lagaye jaye.sirf ziyarat par bas kiya jaye.)

tabbarukat se barkat hasil karne ka saheeh aur jaiz tareeqah yeh hai ke khas tareekh tay kiye bagair logon ko jamaa karne ka ehtimam kiye bagair jab dil chahe ziyarat kare karaye.
Sahaba ke zamane me dastoor tha ke kisi nazar wagairah ki takleef ho jati to ummul mumineen hazrat umme salmah radiyallahu anha ke paas pani ka piyalah bhej diya jata.aap ke paas baal mubarak the.unko chandi ki nalki me mahfooz rakha tha.pani me us nalki ko dal dete the.aur woh pani mareez ko pilaya jata tha.
( qustalani sharhe bukhari j.8/ s.382)
hazrat asmaa radiyallahu anha ke paas huzoor salallahu alayhi wasallam ka kurta mubarak tha.farmati hai ke ham use pani me dhokar woh pani apne bimaron ko bagarze  shifa mareez ko pila diya karte hain.

(saheeh muslim 2/190)

( fatawa raheemiyyah jadeed babul ambiyaa
jild 3/safa 40 se 42 ka khulasa urdu ki asani ke sath)
ham aehle sunnat wal jamaat tabarrukat se barkat hasil hone ko mante hai.lekeen use sab kucch na samjhe.najat to aamal se hogi bila amal wa ittiba e nabi sallallahu alaihi wasallam sirf zahiri muhabbat ka dhong aur muhabbat ke dawe kafi nahi.

Gair muqallid-naam ke aehle hadees asal wahabi tabbarukat se barkat hasil karne ko nahi mante.
Allah hame sachchi aur kamil muhabbato ishqe rasol salallahu alayhe wasallam naseeb farmayen.ameen

SAWAL

12 RABIUL AWWAL KO KYA KAREN ?

KAL EIDMILADUN NABI KO KYA KARNA CHAHIYE SHARIAT ME IS BARE ME KYA RAHNOOMAEE HAI?

Jawab

Huzoor salallahu alaihi wasallam ki wiladat aur wafat ki tareekh me sakht ikhtilaf hai isliye ke in dono dino me har saal kuchh bhi karne ka ihtimaam sahaba nahi kiya khud huzoor salallahu alaihi wasallam ne bhi 63 salah zindagi me wiladat ka din (brithday) nahi manaya aap ki pedaish peer ke din hui thi is liye aap peer ke din aksar roza rakhte the isliye peer ke din roza rakhna sunnat hoga
lekin tareekh manana aur usee tareekh ko kuchh amal rozah namaz juloos naat wagairah

Na huzoor salallahu alaihi wasallam se sabit he na tamaam sahaba e kiram radeeyallahu anhum se sabit he.
Na taabein wa tabe tabein se sabit he
na awliya e kiram se sabit.
Na charon maslak ke imamon se sabit. Halan ke woh log huzoor salallahu alaihi wasallam sab se ziyadah muhabbat karnewale aur shariat ko jannewale the
na fiqah wa hadees ki tamaam kitabon me is bare me koi rahnumaee-kuchh likha huwa

Lihaza is din na khushi manaye na ranj, kyun ke wafat bhi isee din hui hai iseeliye ham aaj se 10 sal pehle ise bare wafat kehte the wafat bhi allah talaa ne isee din rakhi take log gairon ki tarah khushi manane se ruk jaye.

⭕ AAJ KA SAWAL No.2620 ⭕

Rasmi Meelad ka Sil-Sila Kab Aur Kahan Se Shuru Huwa..?

🔵 JAWAB 🔵
حامدا و مصلیا مسلما

Mehfil-E-Meelad Chhe Sadee (6 Century) Guzarne ke Baad, Sultan Arbal ke Zamaane se Shuru Huwa hai. Jaisa ke Tareekh Ibne Khalqaan mein hai, Aur Usee waqt se Ulama Uski Tardeed (Mukhalifat) Karte Aa Rahe hain.

📗 FATAWA MAHMOODIYAH 3/87
KITAABUN NAWAAZIL 1/551

Barelvi Hazraat ke Hakeem-Ul-Ummat, Mufti Ahmed Yaar Khan Naeemi Farmate hain, Ke “Imam Sakhaawi Rh. ne Farmaya ke, Milad Shareef Teeno Zamaanon mein Kisi ne Naa Kiya, Baad me Ijaad Huwa.”

(Jaal al Haq : Safa 236)

Barelvi Maulvi Faiz Ahmed Owaisi Likhte hain ke Waqai Salaf-o-Saleheen ne Ye Amal Nahi kiya.

(Gausul Ibaad : Safa 50)

Barelvi Allama Ghulam Rasool Saeedi Farmate Hain Ke ‘Mehfil-E-Milad ki Haiyyat-E-Ijtimayi Har Chand ke BIDDAT hai.
(Sharah Muslim : Jild 3 : Safa 185).

Huzoor Sallallahu Alaihi Wasallam Peer ke Din Roza Rakhte The Aur Farmate the ke, Meri Wiladat Peer ke Roz Huyi. Isliye Mai Roza Rakhta Hun (Mishkat).

Sunnat Tareeqe Par Wiladat Manana Ho to Roza Rakho. Ab Jis Din Wiladat Huyi, Us Din Eid Manana Kaise Jayaz Hoga..?

Eid ke Din Roza Rakhna Haraam Hai, Pyare Aaqa ne Us Din Roza Rakh kar Eid ka Tasawwur kee, Jad hi Kaat Dee.

Us Din Manane ka Tasawwur Aur Halaat Us Waqt Bhi Maujood the, Isaee-Nasara Isa Alaihis Salam ki Paidaish Manate the, Phir Bhi Naa Huzoor Sallallahu Alaihi Wasallam ne Us Din ko Eid Manayi, Naa Sahaba-E-Kiram RadiAllahu Anhum, Jinki Ittiba Ka Hamko Hukm Hai,

Aur Ham Apne ko Ahle Sunnat Wal Jamat, Yaani Sahaba ki Jamat ki Pairvi Karne Wala kehte Hain, Naa Tabaeen ne, Naa Tab-E-Tabaeen, Naa Charon Imam ne, Naa Charon Sil-Sile Kisi Buzrugon ne. Lihaza Ye Eid Manana Gairon ka Tareeqa Aur Bid’at Thehra. Gair Bhi Raam Jayanti, Krishn Jayanti Wagairah Manate Hain, Us Din Cake Kaatna Birthday Manana Bila Shubah Yahoodi Aur Isaiyon ka Tareeqa Hai. Jis Par Sakht Waeed hai. Lihaza Is Se Bachna Chahiye.

و الله اعلم بالصواب

⭕ AAJ KA SAWAL NO.2627⭕

EID E MEELADUN NABI صلی الله عليه وسلم KI NIYAZ KHANA KOUN SI SURAT ME JAIZ AUR KOUN SI SURAT ME NA JAIZ ?

🔵JAWAB🔵

حامد ومصلیا و مسلما

MEELAADU-N-NABEE صلی الله عليه وسلم KI TA’YEEN-12 HI TAREEKH TAY KARNE KE SAATH KHANA PAKAANA
(LOGON KO JAMAA KARNA) WAGHAIRAH GUMRAH KARNE WALI BID’ATE HAI, US SE BACHNA ZAROOREE HAI, AUR AGAR KHANE ME NIYYAT ISAALE SAWAAB KI HAI TO KHANA MUBAAH (NA SAWAB NA GUNAH) AUR SADQAH HAI,

AUR AGAR AKABIREEN KE NAAM PAR HAI (UN KO RAZI KARNE KI, UNSE QAREEB HONE KI NIYYAT HO, ALLAH KE NAAM PAR NA HUWA) GAIRULLAH KE NAAM PAR ZABAH KARNE KI SOORAT ME DAKHIL HONE KI WAJAH SE HARAAM HAI, AUR AISE AQAAID FAASID AUR KUFR KE BAAIS HAIN..

( JAIZ SURAT)👇🏻

ISAALE SAWAAB AGAR DIN AUR KHAS KHANE KO TAY KIYE BAGAIR SIRF ALLAH KO RAAZI KARNE KE LIYE HO TO MUSTAHAB HAI, ISALE SAWAB KA KHANA SIRF GAREEB KHAYE MALDAR KO KHANA MANAA HAI.

📘MALFUZAT JILD 3. SE MAKHOOZ (MAULANA AHMAD RAZA)
AGAR DIN AUR KHANE KO KHAS KARNE KE SAATH HO TO BID’AT HAI.

📗FATAWA RASHIDIYA /138
📘FATAWA MAHMOODIYA 15/429

AISE MAWQON ME IS TARAH KE KHANE PAKANE KA SHARIAT ME KOI SUBUT NAHI, LIHAZA YAH KAAM NA-JAAIZ AUR BID’AT HAI, AGAR MAHAZ RASM KE TAUR PAR PAKAYA JAAE, SAWAAB KA AQEEDA NA HO TO BHI USME BID’AT KI TAYEED-HONSLA AFZAYI AUR RIWAJ DENA HAI, LIHAZA US SE BACHNA LAAZIM HAI, USEE BINA PAR KHANA QUBOOL KARNE SE BHI BACHNA CHAHIYE, ISKE BAWUJOOD YAH HARAAM NAHI HAI.

📔AHSANUL FATAWA 1/375
BY SHAIKHUL HADEES MAULANA AHMAD RAHIL SB D.B.MADRASAH KANZE MARGOOB PATAN

 JAWAZ PAR AKAABIREEN KI IBARAT SE DALEEL PAKADNE KA JAWAB:
SHAAH ABDUR RAHEEM DAHELVI RAHMATULLAHI ALAYHI FARMATE HAIN KE :
ME WILADAT KE DINON ME HUZOOR صلی الله عليه وسلم KO ISALE SAWAB PAHONCHANE KI NIYYAT SE KHANA PAKWATA THA. EK BAAR AISA HUWA KE MERE PAAS KUCHH NA THA KE ME KHANA PAKWATA, BHUNE HUWE CHANO KE ALAWAH, TO MENE USI KO LOGON ME TAQSEEM KAR DIYA…

IN JAISE BUZRUGON KI IBARATON ME NA VILADAT KI HAD SE ZIYADAH ROSHNI KA TAZKIRAH HAI, NA KHANE KE LIYE LOGON KA JAMA KARNE KA ZIKR (NA 12 TAREEKH KA ZIKR HAI, BALKE LIKHA HAI MAVLOOD YA’ANI VILADAT KE DINO ME, NA ZABARDASTI KA CHANDA HAI, NA SHAREEK NA HONE WALON KO HAQEER SAMAJHNA HAI, NA MANDAP THA, NA RASTA BANDH KAR KE AANE JANE WALON KO TAKLEEF PAHONCHNA HAI) LIHAZA IS SE DALEEL PAKADNA SAHEEH NAHI.

📙(FATAWA RASHIDIYYAH 137)

و اللہ اعلم بالصواب

iraq ke shahar mosul ka ilaaqa irbil ka badshah,
“malik muzaffar abu sayeed” ne sabse pehle,

“nabi  ki wafaat ke “614 saal baad”,
mutabik 625 hijri me],
‘eid milad ki biddat’ ko aijaad diya.

Is se pehle, zamana is biddat se paak tha.
Malik muzaffar, milad ki mehfil me, jis par

– 100 ghode,
– 5,000 bakriyon ka gosht,
– 10,000 murgiyan,
– 30,000 halwe ke pede
– 1,00,000 pyaaliyan,
ka dastar-khwaan sajaaya aur naachne gaane walon ko bulaya aur
unki ‘mehfil-e-samaa’ munaqid ki gayi,
jisme nachne gane walon ne zohar se le kar agle din fajr tak,
raat bhar naacha, kooda, jhooma aur dhol peeta.
(jiske liye wo mashhoor hain)”

(al-bidaayah wa’l-nihaayah;
vol 13, pg 160.
(ibn katheer)

“ahle-biddat” ne
apni biddat ko ‘zinda rakhnekeliye’
quran ko tak nahi bakhsha.

Jashne eid-milad-un-nabi  ki biddat ko zinda rakhne ki naakam koshish karte hue,

“surah yunus(10):58”

Ke alawa kai aur qurani aayaton ko bhi ba-taur saboot pesh kar, awaam ko gumrah karte hain.

Chand aayatein pesh hain:

# surah al-fath(48):28.

“wohi hai, jisne apne rasool ko hidayat aur deen-e-haqq ataa farma kar bheja
taake isey tamaam adyan par ghalib karde.
Aur allah hi gawaah kaafi hai.”

(surah as-saff(61):6)

“jab eisa (as) ne kaha;
…….aur us rasool ki basharat sunaane wala hun,
jo mere baad tashreef laa rahe hain, jinka naam ahmad hai. phir jab wo waazeh nishaaniyan le kar unke paas tashreef le aaye, to woh kehne lage,
‘yeh to khula jadoo hai’.”

# surah ad-dhuha(93):11.

“apne rabb ki nematon katazkirah karte rahein.”

# surah at-tawba(9):128.

“beshak!
Tumhaare paas, tum me se ek rasool tashreef laaye hain.
Tumhaari takleef aur mashaqqat me padna,
un par sakht guzarta hai.
Woh tumhare liye bade taalib aur aarzoo-mand rehte hain.
Momino ke liye nihayat shafeeq, be-hadd rehem farmane wale hain.”

# surah aal-e-imran(3):164.

“allah ka ehsaan, ke usne musalmaano ke liye unhi me se ek rasool bheja.”

# surah al-anbiya(21):107.

“aur hum(allah) ne aap [nabi ]ko,
tamaam jahaanon ke liye rehmat bana kar bheja.”

In qur’ani aayaton me se, kisi ek aayat me bhi,
pyare nabi(saw) ke “yaum-e-paidaaish” ka zikr nahin hai.

Jab zikr hi nahin hai, phir to ’jashn manaane’ ki baat jahaalat hai.

Quran aur allah ke deen ko,
‘apne aur apne bade/buzurg/maulviyon ke zehnon’ se samajhne ka nateeja hai ke, jhooti daleelein pesh karke, ‘allah, rasool 
 aur sahaba (ra) par
bohtan bandhna aur fir
siraat-e-mustaqeem se bhatak jaana hai.

“agar who (log) waise imaan laayein,
jaisa sahaba (ra) ne imaan laaya
to fir waaqi’i hidayat paajayenge.”

(baqara(2):137)

“aur us se badh kar zaalim kaunhoga,
jo allah par jhoota bohtaan baandhe”

(anaam(6):93)

Nabi  ne farmaya:
jo shakhs meri taraf aisi baat mansoob kare,
jise maine nahin kaha hai,
woh apna thikana jahannum me bana le.

(bukhari 109.)

EID-E-MILAD
TAREEKH K AINE ME

Rasool Allah  Ne Farmaya: Jis Ne Humare Is Deen Mein Koi Nai Cheez Ijzat Ki Jo Deen Mein Nahi “Woh Mardood Hai”(Muslim)

1- MiladunNabi ka Agaaz 604 hijri me Mulk-e-Arbal k Governer Malik Muzaffer ne kya.
Malik Muzafer ka sath dene wala us wakt ka Alim Ibne Dahya tha. .
(TARIKH IBNE KHALQAAN:274/3)

2- Hafiz Ibne Kaseer frmate he: MiladunNabi ka Agaaz chhahti (6th) sadi hijri me huwa.
Is ko Ijaad Shia Rafziyo ne kya.
(AL-BIDAYA:256/ –­ ­13)

3- Hafiz Ibne Hajar frmate he:
Ibne Dahya dunya parast molvi tha, Aima or Ulma-e-Salaf ki shan me Gustakhi kerta, or jhuta shaks tha.
Or frmate he:
“Ye Bidat Khairul Quroon k Zamane me nehi thi… Ab jiska dil chahe wo khairul Quroon ki Ittiba kere ya Shia Rafziyo ki Bidat par amal kare.
(LISANUL MIZAAN:295 ,296/2)

12 WAFAT KO AB EID MILAD UN NABI BANA DIYA
aj se taqriban 30 ya 40 sal pehle 12 Rabi ul awal ko wafat kaha jata tha kyo ke us din wo zaat is duniya se wafat pai thi jis ka koi saani nahii hai or na kabhi ho sakta hai,
wo azeem shaksiyat mohammad 
 hai jo ke aman ka paikar the.
12 rabi ul awal ko nabi s.a.w ne wafat payi thi,
12 rabi ul awal ko ye alam tha sahaba r.a ka ke har shaks gham me dukh me dooba hoa tha.
Magar bare afsos ki bat hai ke aaj jab 12 rabi ul awal aata hai to logo ke chehro pe khushi ajati hai, julos nikale jate hen, lighting ki jati hain, or har tarha ki khurafaat ki jati hain.
Ye zalim nabi s.a.w ki wafat ke din khushiyan manate hen eid miladunnabi manate hen,
inhe Allah se darna chahiye ke is harkat par kahin un par Allah ka azab na aa jay.
Eid milad un nabi manana biddat hai,
tamam log is se khud bhi bachen or dosron ko bhi bachayen.

“Piyare Nabi  ka Ism-e-Mubarak ‘Muhammad bin Abdullah bin Abdul Muttalib bin Hashim bin Abdul Munaf’ tha. Aap  ki Wiladat Ba-Sa’adat Sha’ab Bani Hashim, Makka Mukarrama, Mosam-e-Bahar me 9 Rabi-ul-Awwal Ba-Mutabiq 22, April 571, Waqiyah Aam Al-Feel k 55 din bad Peer k din Subah Sadiq k waqt hui”
[Tarikh-e-Khizr i:1/ 62, Al-Rahiq-ul-Makhtum: 83, Rehmat-ul-lil-A ‘alameen:40]

Pyare Nabi Hazrat Muhammad  Sahi Rawayaat k mutabiq 9 Rabi-ul-Awwal ko is Dunia me Tashreef laye aur Paigham-e-Haq pohnchate huwe 63 Sal ki Umar me 12 Rabi-ul-Awwal ko Apne Khaliq-e-Haqiqi se ja mile,

Lekin kuch Gustakh-e-Rasul ne 12 Rabi-ul-Awwal ko Eid ka din qarar de diya he. Is din Wo Dhol bajate hai, Saaz-o-Awaz ki Mehfilen sajate hn ar Shirkiya Na’aten parh kar Mubalgha Aarai karte hai.

Sahi Rawayaat k Mutabiq Nabi S.A.W 9 Rabi-ul-Awwal ko peda hue ar 12 Rabi-ul-Awwal ko Wafat payi

Ar agr Bil-Farz ye Tasleem bhi kar liya jaye ke Ap 12 Rabi-ul-Awwal ko hi peda hue the aur isi din Wafat payi Tab bhi ….

ye Dastoor he ke Gham har Khushi par Ghalib aata he, Agar in me se kisi ka Baap Usi din Fot hota he Jis din Wo peda hua tha To sari Zindagi Us din Uski Barsi manai jati he, Zara Us k marne par Dhol baja kar aur Naye kapde pehen kar to dikhaen?