Agar Kisi Ne Bank Ke Zariye Gaadi Kharidi, Fir Woh Gareeb Ho Jaata Hai, Bank Ki Raqam Adaa Nahin Kar Sakta, To Bank Gaadi Us Se Zabt Kar Leti Hai, Aur Jo Raqam Adaa Nahin Huyi Utne Me Bech Deti Hai, Kya Is Tarah ‘Bank Ki Qabza Ki Huyi Gaadi Kharidna‘ Jaiz Hai?

Makaanat Me Bhi Is Qism Ka Muamala Hota Hai, Aise Makaan Kharidna Jaiz Hai?

jawab:  حامدا و مصلیا و مسلما

Bank Ki Qabza Ki Huyi Gaadi Kharidna“: Agar Benk Ka Yeh Tasarruf (Ikhtiyar) Hukoomat Ki Tayeed Aur Tauseeq (Ijazat) Se Hai, To Kharidne Ki Wajah Se Milkiyat Saabit Hogi, Lekin Is Qisam Ki Kharidi Se Aehtiyat Baratni Chahiye.

Bank Ki Qabza Ki Huyi Gaadi Kharidna

mahmoodul Fatawa 5/411

و الله اعلم بالصواب

Islami Tareekh :21 Muharramul Haraam1440 Hijri.

mufti Imran Ismail Memon Hanafi Chisti.

Ustaad E Daarul Uloom Rampura Surat, Gujarat, India.

SAWAL

“Maalabudda minhu’’ kits me hai ke
huzoor SALALLAHU ALAIHI WASALLAM jab kisi se qarz lete the to ada karte waqt kuchh zayada dete the.
To Ye khushi se zayada dena kesa hai ?
Lenewale ke liye sood to nahi hoga ?

JAWAB

jis se qarz liya jawe wapas karte waqt kuchh zayada dena ye kehkar ke itna aap ka asal mutalabah-qarz hai aur itna meri taraf se zaid hai.
to ye hadees paak se sabit hai (lihaza sood nahi)
lekeen qarz dene wale ko pehle Se Us ka lalach aur khayal na hona chahiye ke ziyadah milega.

fatawa mahmoodiyah dabhel jild 16 safa 416

✏ [muft] IMRAN ISMAIL MEMON GUFIRA LAHOO
MUDARRISE DARUL ULOOM RAMPURA SURAT GUJRAT INDIA

sawal

Kon see majbooree me sood lena jaiz hai?

 

Jawab

Agar haram cheez ko istiamal na kare to to woh shakhs halaak ya maut ke qareeb ho jaye.

Aesee halat me haraam cheez masalan sood zaroorat ki itni miqdar me jis se jaan bach jaye utna hee istiamal jaiz hoga.

Is ke alawah kisee majbooree me sood lena jaiz nahi.

Fatawa raheemiyah 9/230

* allah taala ummat ki majbooreeyon se hifazat farmaye ameen

Sawal

Jo soodee qarz leta ho us ki amdani ka hukm

Kisi shakhs ne soodee qarz lekar tijarat ki, fir us tijarat se amdani hui to amdani halal hai ya haraam?

 

Jawab

Woh amdani halaal hai us ko apni zarooriyat me bila kisee haraj ke istiamal kar sakta hai.

Kiyun ke qarz lene me sharte fasid pai ja rahi hai.us sood dene ki fasid shart se  qarz ki raqam me koi kharabi paida nahi hoti.woh us qarz ki raqam ka malik ho jata hai aur apni milkiyat ke mal se tijarat jaiz hai lihaza nafe ka bhi malik ho jata hai albattah sood par qarz lene ka sakht gunah hoga.

Aelaus sunan 14/548

Fatawa mahmoodiya 16/304)

Allah taala hame har gunah se nafrat ata farmaye amee

SAWAL

BANK ME SAVING ACCOUNT ME HIFAZAT KI GARZ SE PAISA RAKHNA KAISA HAI?

 

Jawab

Bank me hifazat ki garz se raqam rakhwane ki sab se behtar aur aehtiyat wali surat ye hai ke paise locker me rakhwaye.

Albattah current account me rakhwane ki bhi gunjaish hai jis par sood (interest) na lagaya jata ho.

Jin account me sood lagaya jata hai masalan saving account, fix diposit wagera in me rakhwana durust nahi.

Fatawa usmani 3/267

 

Qanooni majbooree ho to saving account me raqam rakhna jaiz hai. Lekeen income ki niyyat se (yani sood kamane ki niyyat se) rakhna bilkul jaiz nahi.

Gunah ka kaam hai.

 

Fatawa raheemiya karanchi 9/238

⭕AAJ KA SAWAL No. 2611⭕

Zaid 2 lakh rupiye Umar se udhar le raha hai aur kahta hai ke ek saal ke baad 2 lakh ki jagah 2.50 (dhai) lakh dunga,
pachas hazaar hadiye me apni khushi se dunga.
to zaid se yeh paise lena Umar ke liye jaiz hai?

🔵JAWAB🔵

حامدا و مصلیا مسلما

zaid se yeh paise lena aur dena dono sood hai lihaza jaiz nahi.

📗MAHMOODUL FATAWA 8/362

و الله اعلم بالصواب