TANDURAST KO BHEEK MAANGNA AUR UNKO DENA HARAAM

⭕AAJ KA SAWAL NO. 2814⭕

Jo saail (bhikhari) jawan, tandurast, ya aurat Ya bachcha tandurast ho us ko bheek dena kesa hai?

🔵JAWAB🔵

har woh bheek mangnewala Jis ke paas ek din-subah sham ka khana mavjood ho ya khana mavjood nahi lekin jo kamane par qudrat (taqat) rakhta ho un ko bheek mangna haraam hai,
aur Jisko is faqeer ki Ye haalat maloom hai Us ke liye dena haraam hai.

Kyun ke sawal karna (bheek) mangna aise shakhs ko haraam hai,
bheek dena ye haraam kaam karne par madad karna hai isliye woh bhi haraam aur bajaye sawab ke gunah hai.

hazrat imame rabbani maulana rasheed ahmad gangohee Rahmatullahi alayhi ne is masale ko bayan farmaya tha aur ye bhi kaha Tha ke
“log shor machayenge magar me deen Ki ye baat pahoncha deta hun, baat ye hai ke mangna aur dena rasm ho gaya hai rasam ke khilaf log masala manne se bhaagte hai”

📕HUQOOQUL IBAD
SAFA 69
📗MASAILE MUHIMMAH 6/243
📘BAHAWALA SHAMI 3/42, 306

NOTE:
1. Masale ke aetibar se un ko sirf Sadqah khaairat na dene ka hukm hai, lekin un ko jhidakna un ki tahqeer karna aur un se bad sulookee karne ki hargiz ijazat nahi.

2. aaj kal mazdoor aur gharon me kaam karne kaamwali aasani se nahi milti kyun ki bheek mangne me tankhah ke muqaable me das guna zayada paisa chand ghante me kama leti hain, to subah se sham tak mehnat kyun karegi ? log aise logon ko bheek dena bandh karenge to kaam wale mazdoor aasani se mil jayenge aur unki haraam kamaee bhi halaal ho jayegi.
Aurat ko dekhkar raham na khayen, fuqhaa (masail ke maahir) ulama ne aisee aurat ke bare me jiske shohar ka intiqaal ho gaya ho aur kamaane wala koi na ho to iddate wafat me bhi din me kamaane Ke liye nikalne kee ijazat likhi hai.
(lekin usey iddat me ghar bethe bheek maangne ya sadqa zakat pahonchane ko nahi likha taa ke ghar bethhe iddat jo Allah Taala ka hukm ho pura ho)

NOTE Aaj kal topi aur burqa pahen kar gair muslim bhi bheek mangte hain lihaza koi mazoor bhi maloom hota ho to zakat ki saheeh adaygi ke liye us ka aadhar card dekh lena chahiye ya islami sawal puchh lena chahiye

📗HIDAAYAH JILDE SANI BABUL IDDAT

📝MUFTI IMRAN ISMAIL MEMON HANFI GUFIRA LAHOO
MUDARRISE DARUL ULOOM RAMPURA SURAT GUJRAT INDIA

Leave a Reply

Your email address will not be published.